Nátturugripasöfn Reykjavik Sérfræði- og atvinnuvegasöfn

Hið Íslenzka Reðasafn

Hið Íslenzka Reða­safn er vænt­an­lega hið eina sinnar teg­undar í heimin­um, þar sem saman hefur verið safnað reð­um af allri spen­dýra­fánu eins lands. Reður­fræði eru alda­gömul vís­indi sem til þessa hefur lítt verið sinnt á Ís­landi, nema þá sem af­leggjara ann­arra fræða, t.d. sagn­fræði, list­fræði, sál­fræði, bókmennta og ýmissa lista, svo sem tón­listar og ball­etts.

Nú er hins vegar unnt að stunda reður­fræði á skipu­legan og vísinda­legan hátt, þökk sé Hinu Ís­lenzka Reða­safni. Hið Ís­lenzka Reða­safn telur nú fleiri en 220 reði og reður­hluta af öll­um land- og sjávar­spen­dýrum hinnar ís­lensku fánu. Í safninu eru uþb. 60 ein­tök af 17 tegund­um hvala, 1 ein­tak af bjarn­dýri, fjöldi ein­taka af 7 tegund­um sela og rost­unga og fleiri en 120 ein­tök af 20 tegund­um land­spen­dýra, eða alls um 220 ein­tök af 46 dýra­teg­undu­m þar með talið af Homo Sapiens.

Auk þessa er að finna í safn­inu er­lenda deild með um 40 ein­tök­um af 27 teg­und­um og þjóð­fræði­deild með yfir 20 ein­tök­um. Samtals eru því í safn­inu yfir 280 ein­tök af u.þ.b. 90 teg­und­um. Auk hins vísinda­lega þátt­ar hef­ur safnið að geyma um þrjú hundruð list­gripa og nytja­hluta er tengjast við­fangs­efn­um safnsins. Ís­lenska reða­safnið er talið vera eitt af 10 óvenju­leg­ustu söfnum ver­aldar.

Heimilisfang:

Laugavegur 116
105 Reykjavík
561-6663

phallus@phallus.is

www.phallus.is

Samfélagsmiðlar:

Facebook

 

You Recently Viewed ...

Steinshús

Norðurslóð

library of water

Vatnasafn

norwegian house

Norska húsið

volcano

Eldfjallasafnið í Stykkishólmi