Leita að söfnum

LOKA LEIT

Sögumiðstöðin Grundarfirði

Sögumiðstöðin Grundarfirði

Innan dyra Sögumiðstöðvarinnar er bókasafn bæjarins, Upplýsingamiðstöð Grundarfjarðar, Bæringsstofa og lítið sögusafn Sögumiðstöðvarinnar þar sem skoða má leikfangasafnið Þórðarbúð og bátinn Brönu sem stendur við fiskhjallinn með veiðarfæri og smíðaáhöld innan seilingar.

Bókasafn Grundarfjarðar fluttist í Sögumiðstöðina haustið 2013. Þjónusta starfsfóks á bókasafni og upplýsingamiðstöð er gagnkvæm og starfsfólk á Kaffi Emil er til taks ef þörf krefur.

Bæringsstofa er ljósmyndasafn Bærings Cecilssonar (1923-2002). Í Vestursal og Bæringsstofu er aðstaða fyrir námskeið og fyrirlestra og þar er samkomustaður klúbba og félaga í samfélaginu.

Upplýsingamiðstöð fyrir ferðamenn er rekin í Sögumiðstöðinni með aðgang að tölvu og þráðlausu Interneti / WiFi.

Góð fundaraðstaða er í Sögumiðstöðinni og er hún í boði allt árið samkvæmt samkomulagi. Félög og gestir geta fengið afnot af aðstöðunni í Sögumiðstöðinni og eiga Vinahúsið og Félag eldri borgara fastan tíma í hverri viku á veturna.

Sýningar Sögumiðstöðvarinnar eru opnar á opnunartíma bókasafnsins, upplýsingamiðstöðvarinnar og kaffihússins og er frítt inn. Einnig er hægt að setjast inn á Bæringsstofu, ljósmyndasafnið, og skoða þar sýningu af gömlum myndum úr byggðarlaginu.​

Kaffihús hefur verið rekið á sumrin, kennt við Emil Magnússon fyrrum kaupmann en hann byggði húsið sem Sögumiðstöðin er í þar sem hann rak Verslunina Grund, fyrst með sjoppu og bensínsölu og síðar matvöruverslun og blómabúð.

Opnunartími og aðgangseyrir

Opnunartími: Opið á veturna kl. 14-18, mánudaga-fimmtudaga og kl. 9-18 á sumrin.
Aðgangseyrir: Free

Hafðu samband við safnið

Heimilisfang: Grundargötu 35, 355 Grundarfjörður
Sími: +354 4381881
Sími:
Netfang: grundarfjordur@grundarfjordur.is
Vefsíða: http://grundarfjordur.is/default.asp?sid_id=61483&tId=1

Museum Features

Engin lögun nú fáanleg.

Nálæg Söfn

Geitfjársetur íslands

Geit­ur og kið­ling­ar taka vel á móti gest­um sem fá fræðslu um þær og af­urð­ir þeirra

Fleiri Upplýsingar

Bjarnarhöfn, hákarlasafn

Á safninu er sagt frá sögu, veiðum og verkun hákarlsins

Fleiri Upplýsingar

Þjóðgarðurinn Snæfellsjökull

Þjóðgarðurinn Sólheimajökull var stofnaður 28. júní árið 2011 í þeim til­gangi að vernda bæði sér­stæða nátt­úru svæðis­ins og merki­legar sögu­leg­ar minjar

Fleiri Upplýsingar