Leita að söfnum

LOKA LEIT

Byggðasafn Vestfjarða

Turnhús:
Turnhúsið er stokkbyggt einlyft timburhús með risþaki, 19,01 að lengd og 10,24 m á breidd. Á miðju þaki er ferstrendur turn með píramítaþaki. Húsið stendur á steinhlöðnum sökkli, veggstokkar eru óklæddir en gaflhlöðin smíðuð úr bindingsverki og klædd listaþili. Stokkaendar ganga út yfir horn og eru klæddir lóðréttum borðum. Á framhlið og vesturhlið hússins eru fjögur einnar rúðu gluggaop með hlera fyrir og þrír 12 rúðu póstagluggar á hvoru gaflhlaði. Útidyr með vængjahurðum eru á miðri framhlið, aðrar gegnt þeim á bakhlið og dyr með vængjahurðum eru á gaflhlaði sunnan megin og fánastöng efst. Þakið er klætt bárujárni og á því hvorum megin eru fjórir þakgluggar. Turnveggir eru klæddir listaþili, á hverri hlið er tveggja rúðu gluggi, þak er klætt sléttjárni og á því er há spíra.

Jarðhæð er einn salur og stoðaröð með skástífum er eftir endilöngu húsi. Veggstokkar eru óklæddir. Stigi með afþiljuðum skáp undir er við útidyr á austurhlið. Á loftinu eru tvær hæðir, hvor um sig einn salur. Gaflar eru klæddir standþili og súðin klædd rennisúð á milli sperra. Á efra loftinu er stigi upp í þakturninn. Húsið er ómálað að innan.

Harmonikusafn Ásgeirs S. Sigurðssonar:
Árið 2008 færðu hjónin Ásgeir S. Sigurðsson og Messíana Marsellíusdóttir Byggðasafni Vestfjarða að gjöf Harmonikusafn Ásgeirs S.Sigurðssonar. Þá taldi safnið um 140 harmonikur af ýmsum stærðum og gerðum og frá ýmsum tímaskeiðum í þróunarsögu harmonikunnar. Elsta harmonika safnsins er síðan um 1830 og er hún í mjög góðu ásigkomulagi og í upprunalegum umbúðum. Í safninu eru margir kjörgripir, og margar harmonikur sem voru í eigu þekktra Íslenskra harmonikuleikara en Ásgeir hefur einmitt lagt sig fram við að safna slíkum hljóðfærum sem eiga sér langa og merka sögu í íslenskri tónlist. Safnið heldur áfram að stækka og telur nú rúmlega 190 harmonikur.

Bátasýning:
Byggðasafn Vestfjarða hefur markað sér þá stefnu í varðveislu báta að gera þá upp í það ástand að vera sjófærir. Einnig leggur safnið áherslu á að viðhalda verkþekkingu við viðgerð þeirra og stuðla að því að hún berist á milli kynslóða.

Opnunartími og aðgangseyrir

Opnunartími: 15. maí - 15 september, alla daga, 9-18
Aðgangseyrir: Fullorðnir 1000 kr. eldri borgarar,is 800 kr.

Hafðu samband við safnið

Heimilisfang: , 400 Ísafjörður
Sími: +354 896-3291
Sími: 848-4878
Netfang:
Vefsíða: http://www.nedsti.is

Museum Features

Engin lögun nú fáanleg.

Nálæg Söfn

Smiðjan Þingeyri

Vélsmiðja Guðmundar J Sigurðssonar & co. sem var stofnuð 1913. Gamli hluti smiðjunnar þar sem renniverkstæði og málmsteypa er til húsa er enn að miklu leyti með upprunalegu fyrirkomulagi

Fleiri Upplýsingar

Listasafn Samúels í Selárdal

Undan­farin ár hefur Félag um lista­safn Samú­els unnið að endur­reisn á styttum lista­­mannsins og byggingum,is

Fleiri Upplýsingar

Minja- og handverkshúsið Kört

Minja- og handverks­húsið Kört er stað­sett í Tré­kyllisvík miðri. Þar er að finna fallegt safn með munum frá miðöldum til okkar tíma ásamt úrvali af fall­egu hand­verki og list­munum unn­um af heima­fólki

Fleiri Upplýsingar