Search for Museums

CLOSE SEARCH

Vatnasafn

VATNASFN / LIBRARY OF WATER er langtíma verkefni skapað af Roni Horn í fyrrum bókasafni sjávarþorpsins Stykkishólms á Íslandi. Byggingin stendur á kletti með útsýni yfir hafið og þorpið. Þar eru til húsa þrjú söfn – vatns, orða og veðurfregna – sem endurspegla náin tengsl Roni Horn við einstaka jarðsögu Íslands, loftslag þess og menningu. Vatn, úrval er safn 24 glersúlna fylltum af vatni sem safnað var úr ís af mörgum helstu jöklum Íslands. Glersúlurnar brjóta upp og endurvarpa ljósi á gúmmigólf sem búið er að greypa í breiðu orða á ensku og íslensku er öll lúta að veðrinu – innra sem ytra. Innsetningin býður upp á svigrúm til íhugunar í einrúmi jafnframt því að nýtast til allskyns félagslegra nota. Í litlu hliðarherbergi geta gestir skoðað flokk bóka Roni Horn, To Place, sem allar hafa orðið til á Íslandi, ásamt því að hlusta á úrval frásagna fólks af veðrinu. Á árunum 2005 til 2006, að undirlagi Roni Horn, tóku Oddný Eir Ævarsdóttir, rithöfundur, bróðir hennar fornleifafræðingurinn Uggi Ævarsson, og faðir þeirra Ævar Kjartansson, útvarpsmaður, viðtöl um veðrið við um það bil hundrað einstaklinga frá Stykkishólmi og nágrenni. Veðrið vitnar um þig, setur þessa vitnisburði fram sem einskonar sameiginlega sjálfsmynd lands þar sem veðrið leikur stórt hlutverk í daglegu líf fólksi. Neðri hæð VATNASAFNS / LIBRARY OF WATER er gestavinnustofa fyrir rithöfund. Á hverju ári hefur rithöfundum verið boðið að búa þar í nokkra mánuði og vinna .Ýmist er boðið íslenskum eða erlendum höfundum, en fram að þessu hafa þau Guðrún Eva Mínervudóttir, Rebecca Solnit, Anne Carson, Óskar Árni Óskarsson og Oddný Eir Ævarsdóttir dvalið þar. Artangel sá um framkvæmd þessa verkefnis ásamt Stykkishólmsbæ, Menntamálaráðuneytinu, Samgönguráðuneytinu og Fjárlaganefnd Alþingis

Hours of Operation & Admission

Hours of Operation: Júní-Ágúst: Alla daga frá 13-18 September: Helgar 13-17
Admission: Ókeypis

Contact Museum

Address: Bókhlöðustígur 17, 340 Stykkishólmur
Primary Phone: +354 8571221
Secondary Phone:
Email: vatnasafn@gmail.com
Website: http://www.libraryofwater.is/landing.html

Museum Features

No features currently available.

Nearby Museums

Sögumiðstöðin Grundarfirði

Innan dyra Sögumiðstöðvarinnar er bókasafn bæjarins,  Upplýsingamiðstöð Grundarfjarðar, Bæringsstofa og  lítið sögusafn Sögumiðstöðvarinnar þar sem skoða  má leikfangasafnið Þórðarbúð og bátinn Brönu

More Info

Geitfjársetur íslands

Geit­ur og kið­ling­ar taka vel á móti gest­um sem fá fræðslu um þær og af­urð­ir þeirra

More Info

Safnahús Borgarfjarðar

Börn í 100 ár – Ævintýri fuglanna Börn í 100 ár er einstök sýning um líf íslensku þjóðarinnar á 20. öld. Efnið er kynnt með nýstárlegri framsetningu á ljósmyndum og munum, þar sem sýningarveggir eru opnaðir eins og jóladagatal. Ævintýri fuglanna er frábær sýning á uppstoppuðum fuglum þar sem áhersla er lögð á mögnuð flugafrek […]

More Info